Toronto-യുടെ അധോലോക ചരിത്രത്തിൽ 1950-കൾ ഒരു നിർണ്ണായക വഴിത്തിരിവായിരുന്നു. പരമ്പരാഗത തെരുവ് സംഘങ്ങളിൽ നിന്ന് മാറി, അധികാരവും അക്രമവും മുഖമുദ്രയാക്കിയ Outlaw Motorcycle Club-കൾ നഗരത്തിലെ കുറ്റകൃത്യങ്ങളുടെ നിയന്ത്രണം ഏറ്റെടുത്ത കാലഘട്ടമായിരുന്നു അത്. വേഗതയേറിയ ബൈക്കുകളും തങ്ങളുടേതായ നിയമങ്ങളും (Code of conduct) കൊണ്ട് നടന്ന ഈ സംഘങ്ങൾ, Toronto-യുടെ തെരുവുകളിൽ സംഘടിത കുറ്റകൃത്യങ്ങളുടെ (Organized Crime) പുതിയൊരു അധ്യായം തുറന്നു.
Black Diamond Riders Motorcycle Club 1951-ൽ Harry Paul Barnes (Johnny Sombrero എന്നറിയപ്പെടുന്നു) ആണ് രൂപീകരിച്ചത്. ഇറ്റാലിയൻ Organized Crime ഗ്രൂപ്പുകളുമായുള്ള തന്റെ കുടുംബ ബന്ധങ്ങൾ ഉപയോഗപ്പെടുത്തി 1950-കളിൽ Toronto മേഖലയിൽ ആധിപത്യം സ്ഥാപിക്കാൻ Barnes-ന് സാധിച്ചു. ആദ്യകാല Satan’s Choice Motorcycle Club ഉൾപ്പെടെയുള്ള എതിരാളികളുമായി ഇവർ നിരന്തരം സംഘർഷത്തിൽ ഏർപ്പെട്ടിരുന്നു.
1962-ൽ നടന്ന Battle of Pebblestone എന്നറിയപ്പെടുന്ന സംഭവത്തിൽ, ബൈക്കർ നിയമങ്ങൾ ലംഘിച്ചുകൊണ്ട് Barnes എതിരാളികളെ ആക്രമിച്ചതാണ് ചരിത്രത്തിൽ വഴിത്തിരിവായത്. ഈ നിയമലംഘനത്തിന് മറുപടിയായി എതിരാളിയായ Bernie Gindin വിവിധ ക്ലബ്ബുകളെ ഒന്നിപ്പിച്ച് ശക്തമായ ഒരു മുന്നണി രൂപീകരിച്ചു. ഇതിന്റെ ഫലമായി 1960-കളുടെ അവസാനത്തോടെ Black Diamond Riders-ന് വലിയ തോതിൽ സ്വാധീനവും അംഗങ്ങളെയും നഷ്ടപ്പെട്ടു. 1990-കളുടെ തുടക്കത്തിൽ ഒരു തിരിച്ചുവരവിന് ശ്രമിച്ചെങ്കിലും, 1992-ലെ Sudbury Saturday Night എന്നറിയപ്പെടുന്ന ആക്രമണത്തിൽ പരാജയത്തോടെ അവർ അപ്രസക്തരായി മാറി.
Battle of Pebblestone-ന് ശേഷം, Bernie Gindin 1965-ൽ നാല് വ്യത്യസ്ത മോട്ടോർസൈക്കിൾ ക്ലബ്ബുകളെ ലയിപ്പിച്ചുകൊണ്ട് Satan’s Choice എന്ന സംഘടനയെ പുനരുജ്ജീവിപ്പിച്ചു. ഒരു documentary സിനിമയിലൂടെ വലിയ ശ്രദ്ധ നേടിയ ഈ പുതിയ സംഘടന, 1967-ൽ പോലീസ് റെയ്ഡ് നടന്ന ഒരു ദേശീയ കൺവെൻഷനും സംഘടിപ്പിക്കുകയുണ്ടായി. 1969-ഓടെ ഏകദേശം 400 അംഗങ്ങളുമായി വളർന്ന Satan’s Choice, Canada-യിലെ ഏറ്റവും വലിയ outlaw club ആയി മാറി.
വെറുമൊരു റൈഡിംഗ് ക്ലബ് എന്ന നിലയിൽ നിന്ന് മോഷണം, മയക്കുമരുന്ന് കടത്ത്, മറ്റ് നിയമവിരുദ്ധ പ്രവർത്തനങ്ങൾ എന്നിവ നടത്തുന്ന ഒരു സംഘടിത ക്രിമിനൽ ഗ്രൂപ്പായി ഇവർ പരിണമിച്ചു. Ontario Provincial Police-ലെ കമ്പ്യൂട്ടർ ഓപ്പറേറ്റർമാരുമായി സൗഹൃദം സ്ഥാപിച്ച് ഇന്റലിജൻസ് വിവരങ്ങൾ തങ്ങൾ ചോർത്തിയിരുന്നു എന്ന് ഇവർ അവകാശപെട്ടിരുന്നു.
Bernie Gindin 1975-ൽ Chicago ആസ്ഥാനമായുള്ള Outlaws Motorcycle Club-മായി സഖ്യം സ്ഥാപിച്ചു. എന്നാൽ 1976-ൽ മയക്കുമരുന്ന് കേസിൽ Gindin ജയിലിലായപ്പോൾ നേതൃത്വം ഏറ്റെടുത്ത Garnet McEwan, Outlaws-മായി കൂടുതൽ അടുക്കാൻ ശ്രമിച്ചത് വലിയ ആഭ്യന്തര പ്രശ്നങ്ങൾക്കിടയാക്കി. കനേഡിയൻ ദേശീയവാദിയായിരുന്ന Gindin-ന്റെ നിലപാടുകൾക്ക് വിരുദ്ധമായിരുന്നു McEwan-ന്റെ ഈ നീക്കം.
ഇതിന്റെ പരിണതഫലമായി 1977-ൽ സംഘടനയിൽ വലിയൊരു പിളർപ്പുണ്ടാവുകയും, എട്ട് നഗരങ്ങളിലെ ചാപ്റ്ററുകൾ Outlaws club-ലേക്ക് patch over ചെയ്യുകയും ചെയ്തു. 1984-ൽ Gindin ജയിൽ മോചിതനാകുമ്പോഴേക്കും, ഒരുകാലത്ത് Ontario-യിൽ സർവ്വാധിപത്യം പുലർത്തിയിരുന്ന Satan’s Choice വെറും നാല് സജീവ chapter-കളിലായി ഒതുങ്ങിയിരുന്നു.
മുൻ Satan’s Choice അംഗങ്ങളായിരുന്ന Frank Lenti-യും Gennaro Rosso-യും ചേർന്ന് 1979-ൽ Loners Motorcycle Club സ്ഥാപിച്ചു. എന്നാൽ ആഭ്യന്തര അധികാര തർക്കങ്ങളെത്തുടർന്ന് പുറത്താക്കപ്പെട്ട Lenti, 1994-ൽ Diablos എന്ന പുതിയ ഗ്രൂപ്പ് ആരംഭിച്ചു. 1995-ൽ Loners, Diablos, Satan’s Choice എന്നിവർക്കിടയിൽ നടന്ന രൂക്ഷമായ പോരാട്ടത്തിൽ ക്ലബ് ഹൗസിന് നേരെ military rocket launcher ആക്രമണവും Lenti-ക്ക് പരിക്കേറ്റ കാർ ബോംബ് സ്ഫോടനവും നടന്നു.
പിന്നീട് 1999 മുതൽ 2002 വരെ Hells Angels-നെതിരെ നടന്ന Ontario Biker War-ൽ Loners സജീവ പങ്കാളികളായി. 2020-കളിൽ Vagos Motorcycle Club-മായും Outlaws-മായും ഉണ്ടായ പുതിയ സംഘർഷങ്ങൾ സമാധാനാന്തരീക്ഷം വീണ്ടും തകർത്തു.
Hells Angels തങ്ങളുടെ ആദ്യത്തെ കനേഡിയൻ ചാപ്റ്റർ 1977-ൽ Montreal-ൽ ആരംഭിച്ചെങ്കിലും, Ontario-ലേക്ക് പ്രവർത്തനം വ്യാപിപ്പിക്കാൻ അവർക്ക് ശക്തമായ എതിർപ്പുകൾ നേരിടേണ്ടി വന്നു. എന്നാൽ 1990-കളുടെ അവസാനത്തോടെ തന്ത്രപരമായ നീക്കങ്ങളിലൂടെ പ്രാദേശിക ഗ്രൂപ്പുകളെ വരുതിയിലാക്കാൻ അവർക്ക് സാധിച്ചു.
2000 December 29-ന് നാഷണൽ പ്രസിഡന്റ് Walter Stadnik-ന്റെ നേതൃത്വത്തിൽ ചരിത്രപ്രസിദ്ധമായ ഒരു mass patch-over നടന്നു. Satan’s Choice, The Paradise Riders, The Lobos തുടങ്ങിയ പ്രമുഖ ഗാങ്ങുകളിലെ അംഗങ്ങൾ ഒരേസമയം Hells Angels-ൽ ചേർന്നതോടെ, അവർ ആ പ്രദേശത്തെ ഏറ്റവും ശക്തരായ outlaw motorcycle club ആയി മാറി.
ഈ സംഘടനകളെ അമർച്ച ചെയ്യാനായി നിയമപാലകർ നിരവധി വിപുലമായ ഓപ്പറേഷനുകൾ നടത്തിയിട്ടുണ്ട്. 1996-ൽ നടന്ന Project Dismantle-ൽ 300 പോലീസ് ഉദ്യോഗസ്ഥർ പങ്കെടുക്കുകയും Satan’s Choice-ന്റെ 160-ഓളം മെമ്പർമാരെ അറസ്റ്റ് ചെയ്യുകയും ചെയ്തു.
തുടർന്ന് Hells Angels-നെ ലക്ഷ്യമിട്ട് നടന്ന Project Tandem (2006), Project DEVELOP (2007) എന്നീ ഓപ്പറേഷനുകളിൽ senior member ഇൻഫോർമർമാരുടെ സഹായത്തോടെ വൻ മയക്കുമരുന്ന് വേട്ടകൾ നടന്നു. ഇത്തരം ശക്തമായ പോലീസ് നടപടികളും, സ്വന്തം സംഘടനയിൽ നിന്നുള്ളവരുടെ ഒറ്റുകൊടുക്കലും നേരിടേണ്ടി വന്നിട്ടും, Greater Toronto Area-യിൽ Hells Angels ഇന്നും തങ്ങളുടെ ആധിപത്യം തുടരുന്നു.
No obituaries in Toronto
No upcoming events in Toronto
Take a look at your local Malayali Directory to find what Malayali owned services are available nearby. You can also add your listing FREE.
We also compiled a list of expat Malayali WhatsApp & Facebook groups in cities all over the world. Find fellow Keralites and exchange ideas in groups.
We have a curated list of the most frequently asked questions about our services. You can also get in touch with us through our contact page.
Our privacy policy and terms and conditions are as strong and transparent as a diamond. You can read them at Privacy Policy and Terms & Conditions.
